Біз нұротандықтар Елбасы Жолдауын үлкен әсермен және ерекше ынтамен қабылдадық. Сондықтан ондағы әлеуметтік даму, индустрияландыру, ауыл шаруашылығын қарқынды дамыту, халықты баспанамен қамту, денсаулық сақтау, білім беру, цифрландыру және IT технологияларды енгізу және тағы басқа басым бағыттарды жүзеге асыруда бар күш-жігерімізді жұмсаймыз.

Қазіргі таңда Елбасы Жолдауын түсіндіру жұмыстары қызу жүргізілуде. Оның ішінде әлеуметтік желілерде қолдау білдірушілер қатары қалың. Сонымен қатар, қоғам белсенділері, бастауыш партия ұйымдары өкілдері, мәслихат депутаттары, жергілікті кәсіпкерлер және жастар өкілдері де Жолдауға қолдау білдіріп, ондағы 10 міндеттің жүзеге асырылуына мүдделі екенін жеткізуде. Сол себепті, Елбасы айқындап берген міндеттер біздің жағдайымызды жақсартып қана қоймай, әлемнің ең дамыған елдерінің қатарынан көрінуімізге бастайтын даңғыл жол деп есептейміз.