Иіркөл ауылы

Аудан басшысының Иіркөл ауылы тұрғындары алдында өткен  есепті кездесуде ауданда, оның ішінде ауылдық округте ел мүддесі үшін атқарылған шаруаны, атап айтқанда өткен жылы заман талабына сай 50 орындық балабақша пайдалануға берілсе, ауылға кіреберіс автокөлік жолы күрделі жөндеу жұмысы жүргізілді. Сонымен бірге, Қорқыт ата көшесі жарықтандырылды. Тағы бір қуантарлық жайт, өткен жылы ауыл азаматтары арасында мал шаруашылығын өркендету, бақша өнімдерін өндіру жəне шағын кəсіпкерлікті дамыту, сауда-саттық кəсібі аясындағы басқа да шаралар бойынша жүзеге асырылған жобалар туралы хабарлама жасады. Кездесу барысында  өңір басшысы  Сұлтан Ысқақұлы ауыл тұрғындары Зеркүл Есенова,  Болат Əбдірасылов, Шəркүл Бисембаева, Мороз Көпжасаров, Кенжегүл Ниязбаева, Дастан Алманов, Жайнарбек Ерманов, Орынкүл Асанова, Бекмахан Есмаханов, Нұрсұлу Ұзақованың  ауыл жастарын қызметке тарту,  ағаш отын шабуға арналған рұқсат қағаздың бағасын реттеу, ауылдық округтің паспортын орнату, жұмысқа орналастыру, аудандық спорт мектебінің филиалы ашылса, көпжолақты ұялы байланыс желісін  орнату, көшені жарықтандыру жəне басқа да сауалдарға жауабын берді.