Мекеменің бас инженері Болат Әлібаевтың айтуынша аталмыш жұмыстар біткен соң, олар көршілес Дүр Оңғар және Төребай би ауылдық округтерінің кіреберіс жолдарына асфальт төсеу жұмыстарын жүргізуді іске асырмақшы.
– Сонымен бірге, биыл ауылда Қорқыт ата мен Рақымжан Доспанов атындағы көшелерге жарық орнатылады. Жақын арада өткен жылы құрылыс жұмыстары басталған 50 орындық «Самал» балабақша ел игілігіне пайдалануға берілмекші. «Балажарма» каналын тазарту жұмыстары өз қарқынымен жүргізілуде. Ауыл тұрғындары арасында биыл бақша егу жұмыстары да үлкен құлшыныспен жүргізілуде, – дейді Болат Әлібаевтың сөзін әрі қарай іліп алып кеткен ауылдық округ әкімі Бүркіт Қалдашбаев.