ТАЛАНТТЫЛАР ТОП ЖАРДЫ
Жуырда Жаңақорған ауданы, Көктөбе ауылдық округінде облыстық халық шығармашылығын дамыту орталығының ұйытқы болуымен мәдени шара өтті. Ол – қазақ әдебиетінде өзіндік қолтаңбасы бар, ел мәдениетіне зор үлес қосқан белгілі драматург, Қазақстанның халық жазушысы Қалтай Мұхамеджановтың 90 жылдық мерекесіне арналды.
«Қазақтың дара Қалтайы» тақырыбындағы облыстық монолог оқу шеберлері сайысында аудан атынан бақ сынаған аудандық мәдениет үйінің қызметкері Гүлфариза Шакарова бас бәйгені қанжығалады.
Сыр елінің 14 талантты өнерпазы қатысқан мықтылар жарысында қармақшылық арудың оза шабуы – әріптестері мен жерлестеріне үлкен жетістік сыйлады.
– Байқауға жақсылап дайындалдым. Дегенмен, облыстық деңгейде өнер көрсету оңай болған жоқ. Қазылар алқасының да талабы жоғары болды. Барлық талапкердің алдын орап, аудан атын шығарғаныма қуаныштымын, – дейді жеңімпаз.
Нұркен ӘЛИАСҚАРОВ.
