Гинекологиялық кабинет ашылды

Аудан орталығының бірінде қыз-келіншектерге қызмет көрсететін гинекологиялық кабинет ашылды. Бұл игі істі осы өңірдегі көптеген бүлдіршіндердің кіндік шешесі атанған, тәжірибелі акушер-гинеколог дәрігер Жадыра Сәдуақасова қолға алып отыр. Өз ісін жақсы меңгерген маманның қолға алған бұл бастамасы ең бірінші кезекте ауданда тұратын әйел-аналардың денсаулығын жақсартып, нығайту мақсатын көздейді. Сондай-ақ, гинекологиялық кабинеттің салтанатты ашылу рәсіміне қатысқан аудан әкімінің орынбасары Е.Меңлібаев, әйелдер кеңесінің төрайымы Г.Раева, кент ардагерлер кеңесінің төрағасы Ж.Жәкеев және еңбек ардагерлері халыққа қызмет көрсетуге ден қойған жаңа бөлменің жұмысына сәттілік тіледі.