ҰСТАЗҒА ҚҰРМЕТ - ҰРПАҚҚА ӨНЕГЕ
Мектеп табалдырығын аттаған талай шәкіртке білім беріп, өмір жолына бағыт сілтеген ардагер ұстаздардың өнегесі қазіргі буын үшін қашан да қымбат.
Бүгін 5 қазан - Ұстаздар күніне орай аудан әкімі Жандос Еркінбек білім саласында ұзақ жылдар бойы абыройлы еңбек етіп, мыңдаған шәкіртке тәлім берген ардагер ұстаз, сынып жетекшісі Феруза Базарбаеваның шаңырағына арнайы барып, мерекесімен құттықтады.
Кездесу барысында аудан басшысы ардагер ұстаздың жас ұрпақты тәрбиелеу жолындағы еселі еңбегіне ризашылығын білдіріп, болашағымызға қосқан өлшеусіз үлесін атап өтті. Сондай-ақ Феруза Базарбаеваға зор денсаулық, отбасының амандығын тілеп, арнайы құрмет көрсетті.
Жылдар өтсе де, ұстаздың берген білімі мен айтқан ақылы, жүрекке жаққан жылы сөзі шәкірт жадында сақталып қала береді. Өз кезегінде ұлағатты маман иесі көрсетілген құрметке алғысын айтып, ақ батасын берді.
Қармақшы ауданы әкімінің баспасөз қызметі
