РУХАНИ МҰРАЛАРҒА ТАҒЗЫМ: АРДАГЕРЛЕР ҚОРҚЫТ АТА МЕН МАРАЛ БАБА КЕСЕНЕЛЕРІНЕ БАРДЫ
«Ардагерлерді ардақтайық» жобасы аясында ауданымыздың ардагерлері еліміздің, ауданның тарихында өзіндік орны бар киелі мекендерге арнайы барып, тағылымды сапар жасады.
Аудан әкімі Жандос Еркінбектің қолдауымен ұйымдастырылған сапар барысында аға буын өкілдері Қорқыт Ата және Марал Баба кесенелеріне зиярат етіп, бабалар рухына Құран бағыштады. Ардагерлер еліміздің амандығы мен береке-бірлігі үшін дұға жасап, қасиетті орындарда тағзым етті. Сондай-ақ қазыналарымыз бұл игі бастамаға қолдау көрсетіп отырған аудан басшысына ерекше ризашылықтарын білдіруде.
Айта кетсек «Ардагерлерді ардақтайық» жобасы аясындағы рухани-танымдық сапарлар аудан ардагерлерінің бос уақытын тиімді ұйымдастырумен қатар, қасиетті орындар мен бабаларымыздың мұрасын насихаттауға бағытталған.
Қармақшы ауданы әкімінің баспасөз қызметі
