АУДАН АРДАГЕРЛЕРІ ТҮРКІСТАННЫҢ ТАРИХИ ОРЫНДАРЫН АРАЛАДЫ
Аудан әкімінің қолдауымен «Ардагерлерді ардақтайық» жобасы аясында ауданның 40 ардагері Түркістан қаласына танымдық сапар жасады.
Сапар барысында ардагерлер Түркістанның тарихи-мәдени орындарын аралап, халқымыздың рухани өмірінде айрықша орны бар қасиетті мекеннің тарихымен танысты. Ұлы дала өркениетінің іздері сақталған көне шаһардағы тағылымды орындарға арнайы барып, заманауи үлгіде жасалған Керуен сарай туристік орнын көрді.
Сондай-ақ ардагерлер сапардан алған әсерлерімен бөлісіп, игі бастамалардың алдағы уақытта да жалғасын табуына тілек білдірді. Аға буын өкілдері аудан басшылығына көрсетіп отырған қолдауы мен құрметі үшін ризашылықтарын жеткізіп, өздерінің шынайы алғыстарын айтты.
Қармақшы ауданы әкімінің баспасөз қызметі
