ТҮРКІСТАН САПАРЫНАН РУХАНИ ӘСЕРМЕН ОРАЛДЫ
1 қазан – Халықаралық қарттар күніне орай Қармақшы ауданының ардагерлері аудан әкімдігінің ұйымдастыруымен Түркі әлемінің рухани астанасы – Түркістан қаласына танымдық сапар жасап қайтты.
Тарихы терең, өркениеті бай Түркістан сапары ардагерлеріміз үшін тағылымды кездесу болды. Сапар барысында олар «Қожа Ахмет Яссауи» кесенесі, «Әзірет Сұлтан» тарихи-мәдени қорығы, «Керуен Сарай» кешені сынды киелі орындарды аралап, халқымыздың мәдени-рухани мұраларын аралады.
Ардагерлер өз әсерлерімен бөлісе отырып, мұндай сапардың елдің бірлігі мен тарихына деген танымын арттыра түскенін атап өтті. Сондай-ақ, аудан басшылығына ардагерлерге жасалған құрмет пен қамқорлық үшін алғыстарын жеткізді.
