«ЕЛ ІШІ – ӨНЕР КЕНІШІ» МӘДЕНИ ШАРАСЫ ЖАЛҒАСУДА
Жосалы кентінің орталық алаңында аудан әкімінің тапсырмасына сәйкес дәстүрлі түрде ұйымдастырылатын «Ел іші – өнер кеніші» мәдени шарасы аясында кезекті концерттік бағдарлама өтті.
Бұл жолғы концерттік бағдарламада Т.Салқынбайұлы атындағы өнер мектебі, Төретам кенті және Қармақшы елді мекенінің өнерпаздары сахнаға шығып, ән мен жырдан, күй мен биден шашу шашты. Ұлттық нақыштағы өнер көрсетілімдері мен әсерлі музыкалық нөмірлер көрермендердің ыстық ықыласына бөленіп, кештің сәнін келтірді.
Ұлтымыздың асыл құндылығын дәріптеу мақсатында ұйымдастырылар тағылымды кеш Жосалы кентінің орталық алаңында кент және ауылдық округ өнерпаздарының қатысуымен қыркүйек айына дейін әр сенбі сайын өткізілетін болады.
Қармақшы ауданы әкімінің баспасөз қызметі
