«ЕЛ ІШІ – ӨНЕР КЕНІШІ»
Бүгін Жосалы кентінің орталық алаңында аудан әкімінің тапсырмасына сәйкес дәстүрлі түрде ұйымдастырылатын «Ел іші – өнер кеніші» концерттік бағдарламасының кеші өтті.
Мәдени жобаның негізгі мақсаты – ұлттық өнерді насихаттау, жергілікті өнерпаздардың шығармашылығына қолдау көрсету және тұрғындардың мәдени-рухани өмірін жандандыру.
Ашылу кешінде Жаңажол және Қуаңдария ауылдық округтерінің өнерпаздары концерттік бағдарлама ұсынып, ән мен биден шашу шашты.
Айта кету керек, «Ел іші – өнер кеніші» концерттік бағдарламасы қыркүйек айына дейін әр сенбі сайын Жосалы кентінің орталық алаңында өткізіліп, оған кент пен барлық ауылдық округтердің өнерпаздары кезең-кезеңімен қатысатын болады.
