«ЕЛ ІШІ – ӨНЕР КЕНІШІ»

Бүгін Жосалы кентінің орталық алаңында аудан әкімінің тапсырмасына сәйкес дәстүрлі түрде ұйымдастырылатын «Ел іші – өнер кеніші» мәдени шарасы өтті.

Шараның басты мақсаты – ұлттық өнерді дәріптеу, жергілікті өнерпаздардың шығармашылығына қолдау көрсету, мәдени мұраны насихаттау және тұрғындардың мәдени-рухани өмірін жандандыру.

Концерттік бағдарламаның ашылу кешінде Ақтөбе және Жосалы ауылдық округтерінің өнерпаздары сахна төрінде ән мен жырдан, күй мен биден шашу шашып, көрермендерге көтеріңкі көңіл күй сыйлады. Әсем әуен мен ұлттық нақыштағы қойылымдар тұрғындардың ыстық ықыласына бөленді.

Айта кету керек, «Ел іші – өнер кеніші»мәдени жобасы қыркүйек айына дейін әр сенбі сайын Жосалы кентінің орталық алаңында жалғасады. Концерттік бағдарламаларға кент пен ауданның барлық ауылдық округтерінің өнерпаздары кезең-кезеңімен қатысып, өз өнерлерін көпшілік назарына ұсынатын болады.