«РУХ КЕРУЕНІ» КЕШЕНДІ ЖОБАСЫ ҚОРЫТЫНДЫЛАНДЫ
«Анаға тағзым» орталығының ұйымдастыруымен жүзеге асқан «Рух керуені» кешенді жобасы өз мәресіне жетті.
Өңірдегі рухани-мәдени кеңістікті дамытуға, аудандық Руханият орталықтарының жұмысын жандандыруға және сала мамандарының кәсіби әлеуетін арттыруға бағытталған жоба қорытындыланып, үздік көрсеткішке ие болған қатысушылар марапатталды.
Жоба нәтижесінде Қармақшы аудандық Руханият орталығы ақпараттық-коммуникациялық жұмыстарды дамыту, шығармашылық бастамаларды қолдау және заманауи медиа құралдарын тиімді пайдалану бағытындағы жетістіктері үшін «Креатив пен контент үйлесімі» номинациясымен марапатталды.
Сонымен қатар, ақпараттық сүйемелдеу жұмыстарын жоғары деңгейде ұйымдастырып, жобаның кең көлемде насихатталуына қосқан үлесі үшін Қармақшы аудандық Руханият орталығының әдіскері Жанар Болысбекқызы Алғыс хатпен марапатталды.
Бұл марапат – Қармақшы аудандық Руханият орталығы ұжымының бірлескен еңбегі мен шығармашылық ізденісінің, жаңа бастамалар мен заманауи тәсілдерді тиімді жүзеге асыруға деген ұмтылысының жемісі. Барша әріптестерімізді лайықты марапаттарымен шын жүректен құттықтап, алдағы жұмыстарына шығармашылық табыс пен толағай жетістіктер тілейміз!
