Рухани орталық – руханияттың өзегі
Халықаралық «Қорқыт және Ұлы Дала сазы» фольклорлық-музыкалық өнер фестивалі аясында Қармақшы топырағына табан тіреген қонақтар ауданның мәдени тіршілігінің ордасы — «Руханият» орталығында болды.
Кешен қызметімен танысу барысында қонақтар ауданымыздың терең тарихы мен ұлт руханиятына қатысты құнды жәдігерлері бар музей мен архив, оқырманға арналған түрлі тақырыптағы кітаптар қамтылған аудандық кітапхана, жас буынның шығармашылық әлеуетін ашуға бағытталған жастар ресурстық орталығы, ұлттық тәрбие сабақтастығы үйлесім тапқан ардагерлер кеңесі, сондай-ақ аналар үйі мен неке қию залының жұмысын көріп, орталықтың көп қызметті құрылымына оң бағасын берді.
«Руханият жылы» аясында бой көтерген бұл кешен — рухани жаңғырудың нақты көрінісі. Қазіргі таңда орталық тұрғындар мен қонақтарға мәдени-ағартушылық, тәрбиелік әрі әлеуметтік бағытта кең көлемде қызмет көрсетіп келеді.
