Ардагерлер «Руханият» орталығының жұмысымен танысты
Аудандық ардагерлер кеңесінің алқа мүшелері және кент, ауылдық ардагерлер кеңестерінің төрағалары «Руханият» орталығының жұмысымен танысты.
Ардагерлер «Руханият» орталығында орналасқан ардагерлер мен аналар үйі, жастар орталығы, кітапхана, музей, архив, неке қию залын көрді.
Одан кейін орталықтың мәжіліс залында аудандық алқа мәжілісі өтті. Алқа мәжілісінің күн тәртібінде ардагерлер кеңесінің атқарған жұмыстары қаралып, 2025 жылға арналған жұмыс жоспары талқыланды.
Мәжілісте аудан әкімінің орынбасары Самат Қыдырбекұлы алғы сөз сөйлеп, ардагерлерге ауданымыздың әлеуметтік-экономикалық дамуына қосқан сүбелі үлестері үшін ризашылығын білдіріп, ауданда атқарылып жатқан ауқымды жұмыстар мен жаңа жобаларды таныстырды.
Мәжілістен кейін ардагерлер аудан орталығында салынған құрылыс нысандарын көрді.
