Облыстық ардагерлер алқасының кеңесі өтті
ЖОСАЛЫ, 13 ақпан – qarmaqshy-tany.kz Аудан әкімдігінің мәжілісінде облыстық ардагерлер кеңесінің көшпелі алқасы өтті.
Алқа басталмас бұрын Жосалы кентіндегі Ш.Уәлиханов атындағы №26 орта мектебінде бастауыш ардагерлер ұйымының және Қармақшы аудандық денсаулық сақтау саласының бастауыш ардагерлер ұйымының, аудандық ішкі істер саласының бастауыш ардагерлер ұйымының жұмыстарымен танысты.
Сонымен бірге аудандық ардагерлер үйінде болып, былтырғы жылы атқарылған жұмыстарды саралады.Аудан әкімдігінің мәжілісінде өткен жиынға облыстық ардагерлер кеңесінің төрағасы Дүйсенбаев Серік Әбішұлы, облыстық ардагерлер кеңесі төрағасының кеңесшісі Әбілханов Рахым Әбілханұлы,облыстық ардагерлер кеңесінің мүшесі Искаков Дайрабай және аудандық мәслихат хатшысы Марат Наятұлы, кент, ауылдық округтердегі бастауыш ардагерлер ұйымының төрағалары, мекеме басшылары, бұқаралық ақпарат құралдарының өкілдері қатысты.
