Аудан әкімі Жандос Еркінбек Жосалы кентіндегі бірқатар құрылыс нысандарын аралады.

Алдымен, аудан басшысы құрылысы жүріп жатқан «Руханият» орталығының жұмысымен танысты. Орталықтың құрылысы 2024 жылдың наурыз айында басталып, 2025 жылы аяқтау жоспарланған. Аталмыш ғимаратқа музей, кітапхана, архив, неке қию залы, ардагерлер және аналар, жастар орталықтары секілді бірқатар тарихи-мәдени, рухани ұйымдар біріктіріледі.

Одан соң, аудан әкімі Жосалы кентінің төлқұжаты орналасатын орынды көрді. Тиісті сала басшыларына жұмыстарды жоспарға сай және сапалы атқаруды тапсырды.