Қармақшы ауданы әкімі құрылыс нысандарын аралады
Аудан әкімі Жандос Еркінбек Жосалы кентіндегі бірқатар құрылыс нысандарын аралады.
Алдымен, аудан басшысы Д.Мырзағалиева және Ә.Жаназаров көшесіндегі «Балалар және спорт ойын алаңдарының» құрылыс жұмыстарын көрді. Жауапты мердігерге жұмыстарды жоспарға сай және сапалы атқаруды тапсырды.
Одан соң, аудан әкімі «Жастар» саябағының абаттандыру жұмыстарын бақылады. Тиісті сала басшыларына аталмыш саябаққа ағаш отырғызу, көркейту-көгалдандыру жөнінде бірқатар міндеттер жүктеді.
Өздеріңізге белгілі, аталған саябақта өткен жылы су ұңғымасы (скважина) қазылып, аяқ сумен қамтамасыз етілген болатын. Биыл осы саябақты жасыл желекке айналдыру жұмыстары қызу жүріп жатыр.
