qarmaqshy-tany.kz Аудан әкімі Жандос Еркінбекұлы «Ауыл – ел бесігі» жобасы аясында Жосалы кентінде салынып жатқан заманауи спорт кешенінің құрылыс жұмыстарын қадағалады. Аталмыш нысанның құрылыс жұмыстарын мердігер «Сапақ» өндірістік кооперативі жүргізуде.

Аудан басшысы, спорттың маңызды сала екенін жеткізіп, аудан тұрғындарына спортпен шұғылдануға қолайлы жағдай жасау үшін тиісті сала басшыларына құрылыс жұмыстарын мерзімінде және сапалы аяқтауды тапсырды.

Сондай-ақ, аудандағы бірқатар нысандарды аралап көрген аудан әкімі Ж.Еркінбекұлы құрылыс жұмыстары барысында кеткен кемшіліктер бойынша жауапты мердігер мекемелердің басшыларымен кездесті.

Кездесу барысында Жосалы кенті мен Ақай елді мекеніндегі спорт кешені құрылысын және Жосалы кентіндегі Амангелді көшесіне орташа жөндеу жүргізіп жатқан «Сапақ» өндірістік кооперативі, «Өмірзақ» ЖШС, «Ақтоған» ЖШС басшыларын қабылдап, құрылыс жұмыстары барысында кеткен кемшіліктер бойынша ескертулер жасады.

Сондай-ақ, барлық мердігерлерге құрылыс материалдарының сапалы болуын, жұмысты уақтылы аяқтауды баса айтып тиісті сала басшыларына нақты тапсырмалар берді.