Қармақшы ауданының әкімі Нұртай Қайрат Ырзақұлұлы Жосалы кентіндегі әлеуметтік нысандарды аралады.
Жұмыс барысында Жосалы кентінде №4 насос станциясының , «Қазсушар» РМК Қызылорда облыстық филиалының өндірістік бөлімшесін, оқшау сумен жабдықтау өндірістік бөлімшесінің жұмыстарын көріп шықты.
Мекеме басшыларымен кездесуде шаруашылықтарды сумен қамтудағы жоспарларымен бөлісіп, аудан көлеміне су жіберетін каналдар жүйесінің жоспарымен танысты.
Сонымен қатар тұрғындарды сапалы ауыз сумен тұрақты қамту мақсатында жаңа жобаларды тиісті сала басшыларымен бірлесіп жүзеге асыру пысықталды.
Әлеуметтік нысандарды аралауда аудандық емхана мен мұражайдың, «Азаматтарға арналған үкімет» мемлекеттік корпорациясы Қармақшы аудандық бөлімінің жұмыстарын көрді.
Кездесуде аудан әкімі тұрғындардың ұсыныс пікірлерін тыңдап, жауапты сала мамандарына мәселелерді бірлесіп шешуді тапсырды.