Мұса Қалдарбеков кенттегі нысандарды аралады

Қармақшы ауданының әкімі М.Қалдарбеков Жосалы кентінде орналасқан аудандық мұрағаттың, орталық стадионның, жем сататын кәсіпкерлік нысанның жұмыстарымен танысты.

Аудандық мұрағат басшысы Г. Іздібаевамен кездесіп, ғимарат аумағын абаттандыру мен сыртқы келбетін әрлеу жұмыстарын жүргізу мақсатында тиісті тапсырмалар берді.

Сонымен бірге аудан басшысы орталық стадионның жұмысын арнайы көріп, стадион аумағын абаттандыру, тазалықты сақтау бағытында сала басшыларына қатаң түрде тапсырмалар жүктеді.

Мұнан кейінгі нысандарды аралау барысында аудан әкімі жеке кәсіпкер Б. Өмірзақовтың жем сататын дүкенінде болды. Жеке кәсіпкердің жағдайымен арнайы танысып, шағын кәсіпкерлікті дамыту саласы бойынша пікірлесті. Жауапты басшылардың ұсыныстарын тыңдады.