Аудан әкімінің орынбасары кенттегі шағын кәсіпкерлік нысандарды аралады

Қармақшы ауданы әкімінің орынбасары Ж.Ерқосаев пен аудандық кәсіпкерлік, өнеркәсіп және туризм бөлімінің басшысы Е.Әбдікеров Жосалы кентіндегі шағын кәсіпкерлік нысандарды аралады.

Жосалы кентіндегі шағын кәсіпкерлік нысандарды аралау барысында жеке кәсіпкер А.Дүкенбайдың «Достық» Жиһаз цехының жұмысымен және жеке кәсіпкер Ә.Ерекешовтың «Бинұр» наубайханасының жұмысымен танысты.

Кездесуде аудан әкімінің орынбасары Жұлдызхан Байназарұлы аудан көлемінде кәсіпкерлік ашып, бизнесті жүргізуге барынша қолайлы жағдайлар жасалып келеді. Кәсіпкердің әрбір ұстанымын қолдауға және олардың идеяларын жүзеге асыруға барлығымыз жұмыла қызмет жасауымыз қажет деп атап өтті.

Кездесу соңында жеке кәсіпкерлер өздерінің толғандырып жүрген ұсыныс-пікірлерін ортаға салды.