Ардагерлер ауыл аралады

Аға буын қашанда кейінгі ұрпаққа үлгі-өнеге. Парасат-пайымның биігінен көрініп, келелі істерді көтеруде ардагерлердің рөлі ерекше. Осы орайда, республикалық ардагерлер ұйымының жауапты хатшысы Бейбіт Оспанов жұмыс сапарымен ауданда болды. Алдымен аудан әкімі Мұса Қалдарбеков арнайы қабылдап, ардагерлермен бірлесе атқарылған жұмыстар жайын баяндады.

Мұнан соң пандемия талаптарын сақтай отыра ардагерлер үйінде шағын құрамда бас қосты. Алғашқы сөзді алған аудандық ардагерлер кеңесінің төрағасы Қаршыға Есдәулетов кеңестің жоспарлы жұмыстары туралы есеп берді. Келесі кезекте облыстық ардагерлер кеңесінің төрағасы Серік Дүйсенбаев ардагерлер кеңесі жұмысын жетілдіру бағытында ұсыныстар білдіріп, тәжірибесімен бөлісті. Одан әрі меймандар кент орталығында орналасқан Т.Көмекбаев атындағы №250 мектеп-лицейдегі ардагерлердің бастауыш ұйымында болып, мектеп музейімен танысты.

Ардагерлер кездесуден соң Дүр Оңғар ауылына ат басын тіреді. Мұнда олар «Жаңажол» серіктестігінде болып, күріштің жаңа сортымен танысты. Сонымен қатар бірлігі бекем, ынтамағы берік ауылдағы атқарылып жатқан жұмыс барысын көзбен көріп, ауыл халқына ризашылығын білдірді.

Сапар одан әрі ІІІ Интернационал ауылында жалғасты. Мұнда ардагерлердің бастауыш ұйымының жұмысымен және ауылдық округтегі шаруашылық жұмысымен танысты.

Ақнұр Сағынтай