БАЛАЛАР АЛҒАШ АШЫЛҒАН «РУХАНИЯТ» ОРТАЛЫҒЫНДА БОЛДЫ

Т.Көмекбаев атындағы №250 мектеп-лицейінің интернат оқушылары және 6 сынып оқушылары алғаш ашылған «Руханият» орталығында болды.

Мақсаты-оқушыларға ұлттық құндылықтарды насихаттау, өлке тарихын білуге және оны құрметтеуге тәрбиелеу болып табылады.

Қазіргі таңда орталықта аудандық өлкетану музейі, кітапхана, неке қию сарайы, «Жастар ресурстық орталығы» орналасқан.

Балаларға өлке тарихы мен өңірімізде еңбек еткен тарихи тұлғалар жайлы мәліметтер беріліп,«Руханият» орталығының жұмыс бағыттары таныстырылды.

«Жастар ресурстық орталығы» директоры Н.Пірназаров келушілерге орталықтың мақсаты мен жұмыс бағыттары жайлы айтып өтті.

Өз кезегінде №250 мектеп-лицейінің интернат оқушылары қызығушылықтарын білдіріп, ұйымдастырушыларға ризашылықтарын жеткізді.