Жосалы кенті орталығындағы Т.Көмекбаев атындағы №250 мектеп-лицейінің интернатында «Ұстазым, ұлағатым-үлгі өнегем!» тақырыбында ардагер ұстаздармен кездесу өтті.
Кездесудің мақсаты-ұлағатты ұстаздардың еңбек жолдарын жас ұрпаққа насихаттау, ардагерлерге құрмет көрсету болып табылады.
Кездесуге ардагер ұстаздар Р.Қаратаева, К.Бисембаева, Р.Қыпшақбаева және тәрбие ісі жөніндегі орынбасарлары С.Бертілеуов, Г.Аяпова, тәрбиешілер мен интернат оқушылары қатысты.
Кездесу барысында №250 мектеп-лицей директоры Г.Мұнарбаеваға сөз беріліп, арнайы іс-шараға қатысқан ардагерлерді мерейлі мерекемен құттықтап ізгі лебізін білдіріп алғыс хаттар табыстады.
Өз кезегінде ардагер ұстаздарымыз пікірлерін білдіріп, ризашылықтарын жеткізді.
Сонымен бірге мектеп-лицей интернатының оқушылары арнайы дайындалған концерттік бағдарлама бойынша өнерлерін көрсетті. №250 мектеп-интернатының тәрбиешісі Э.Қойшыбаева кездесудің жоғары деңгейде өтуіне атсалысты.