Ұстаз – ұлағатты есім
Ұстаз – ұлағатты есім. Шәкірттерін білім нәрімен сусындатып, тәлім-тәрбие беру, бойына дарытып, адамгершілік рухта бағыт-бағдар беруде ұстаздың еңбегі ұшан-теңіз. Сондықтан ол әрдайым ұлы тұлға ретінде ерекшеленеді. Көп жылдан бері мектеп қабырғасында еңбек етіп, балалық ұрпақ тәрбиесіне өлшеусіз үлес қосып, өздерінің өшпес ізін қалдырған, бүгінде мектеп қабырғасынан әлдеқашан алыстап кетсе де, әрдайым назардан тыс қалмайтын ардагер-ұстаздармен кездесуді «Нұр Отан» партиясы Б…айқоңыр филиалы ұйымдастырып, мерекелік жиын өткізді.
Кездесуге «Нұр Отан» партиясы Байқоңыр филиалы төрағасының бірінші орынбасары Бекпанов Бақытбек, Қармақшы аудандық білім бөлімінің білім беруді дамыту секторының меңгерушісі Саденова Анар, мектеп директырлары, ардагер ұстаздар және БАҚ өкілдері қатысты.Мерекелік жиынды «Нұр Отан» партиясы Байқоңыр филиалы төрағасының бірінші орынбасары Бекпанов Бақытбек білім беру саласындағы ұзақ жылғы жемісті еңбектері және жас ұрпақты оқыту мен тәрбиелеуде біраз жетістіктерге жеткен ардагер ұстаздарды мерекелерімен құттықтап, гүл шоқтарымен қоса арнайы мерекелік сый-сыйяпатын табыстады.
Өз кезегінде ардагер ұстаздар ұйымдастырушыларға алғыстарын білдіріп, батасын берді.
