«Нұр Отан» партиясы Қармақшы аудандық филиалының ұйымдастыруымен және Халықаралық «Қазақ тілі» қоғамы аудандық филиалының қатысуымен аудандық партия филиалында білім беру саласынан зейнеткерлікке шыққан ардагер ұстаздар және білім саласы қызметкерлерімен кездесу болып өтті.

Кездесуге аудандық мәслихат депутаттары, партия белсенділері, ҮЕҰ және БАҚ өкілдері қатысты. Кездесуде «Қазақстан-2021: Бірлі…к. Тұрақтылық. Жасампаздық» «Нұр Отан» партиясының сайлауалды бағдарламасы жаңа әлеуметтік саясат бағыты бойынша оның ішінде білім беруді әлемдік стандарттарға жеткізуге бағытталған міндеттер жөнінде жан-жақты түсіндірме жасаған «Нұр Отан» партиясы аудандық филиалы төрағасының бірінші орынбасары, аудандық мәслихат депутаты Буханов Дастан Әбдібекұлы және Халықаралық «Қазақ тілі» қоғамы аудандық филиалының төрағасы Құлдүйсенов Әбдірахман ауданның білім саласынан зейнеткерлікке шыққан ардагер ұстаздарды кәсіби мерекелерімен құттықтады.
Шара барысында білім беру саласынан зейнеткерлікке шыққан ардагер ұстаздар және білім саласының қызметкерлері «Нұр Отан» партиясының облыстық және Халықаралық «Қазақ тілі» қоғамы аудандық филиалының алғыс хаттарымен марапатталып, сый-сияпаттар табыс етілді. Кездесуде аудандық мәслихат депутаты, ардагер ұстаз Раева Күлжауһар Төлегенқызы және ардагер ұстаз Ермағанбетова Қарлығаш ұстаздар күні мерекесімен құттықтап, жылы лебіздерін білдірді.