"Нұр Отан" партиясы "Байқоңыр" филиалының жаңа төрағасы сайланды

Бүгін «Нұр Отан» партиясы «Байқоңыр» филиалының кезектен тыс XVІІІ конференциясы өтті. Конференция жұмысына "Нұр Отан" партиясы Қызылорда облыстық филиалы төрағасының бірінші орынбасары
Құттықожаев Ибадулла Дүйсенбайұлы қатысты.
Конференциясының күн тәртібіне :«Нұр Отан» партиясы «Байқоңыр» филиалының атқарған жұмыстары және алдағы міндеттері туралы,«Нұр Отан» партиясы «Байқоңыр» филиалының төрағасын сайлау және «Нұр Отан» партиясы «Байқоңыр» филиалы Саяси кеңесінің құрамына өзгерістер енгізу туралы мәселелер ұсынылып, қаралды. Конференция қаулысымен "Нұр Отан" партиясы "Бйқоңыр" филиалының төрағасы қызметіне Қожаниязов Серік Салауатұлы сайланды.
Жиын барысында "Нұр Отан" партиясы облыстық филиалы төрағасының бірінші орынбасары Ибадулла Құттықожаев осы кезеңге дейін "Байқоңыр" партия филиалының төрағасы қызметін атқарып келген Үйреков Кенжебек Сисенұлына облыстық партия филиалы төрағасы, облыс әкімі Қырымбек Елеуұлы Көшербаевтың "Құрмет грамотасын" табыстап және бірқатар партия белсенділерін "Нұр Отан" партиясы облыстық филиалының "Алғыс" хаттарымен марапаттады.