Ғасыр жасаған Разипа әжейге құрмет

Бүгін 8 Наурыз -Халықаралық әйелдер мерекесіне орай «Нұр Отан» партиясы Қармақшы аудандық филиалының төрағасы, аудан әкімі С.Мақашов Жосалы кентінің тұрғыны 100 жасаған Кірекесова Разипа әжейді «Нұр Отан» партиясы төрағасының бірінші орынбасары М.Әшімбаевтың арнайы құттықтау хатын табыстады. Ғасыр жасаған, 5 бала, 12 немере, 24 шөбере, 2 шөпшек, 2 немене сүйіп отырған Разипа әжей өз өмірінен сыр шертіп, пікірлесіп, атқарып жатқан игі істерге өз батасын берді.
Құттықтауға аудандық мәслихат хатшысы М.Наятұлы, «Нұр Отан» партиясы Қармақшы аудандық филиалы төрағасының бірінші орынбасары Д.Буханов, аудан әкімінің орынбасары М.Сәмитов, аудандық «Ардагерлер кеңесінің» төрағасы Қ.Есдәулетов, партия қызметкерлері қатысып, лебіздерін білдірді.