Ардагерлерді ардақтау - ұрпақ парызы
А.Жанпейісов атындағы №105 мектеп-лицейінде 9 «А» сынып жетекшісі Қалжанқызы Глжазира мен 9 «Б» сынып жетекшісі Мыржақыпова Меруеттің ұйымдастыруымен «Ардагерлер асыл қазынамыз» тақырыбында кездесу форматында тәрбие сағаты өтті. Кездесуге ардақты ардагерлеріміз Қазақбаева Көптілеу апай мен Тайшықова Майра апай арнайы қатысып, оқушылармен тағылымды естеліктерімен бөлісті.
Тәрбие сағатының барысында №105 мектеп-лицей директоры Еркебаева Гүлзира Мұратбекқызы ардагерлерді құттықтап, ізгі лебізін білдірді.
Тәрбие сағатының мақсаты - ардақты ардагерлеріміздің еңбегін кейінгі ұрпаққа насихаттау арқылы бүгінгі өмірдің құндылығын, Тәуелсіздігіміздің қадір-қасиетін жастар санасына сіңіру болып табылады.
Өз кезегінде оқушылар ардагерлерге арнап өнерлерін ортаға салды.
