Бақытын тапқан еңбектен

Жосалы кенті орталығындағы №105 мектеп – лицейінде «Бақытын тапқан еңбектен» атты кездесу кеші болып өтті.

А.Жанпейісовтың 100 жылдығына орай ұйымдастырылған шараға «Қармақшы ауданының құрметті азаматы» ардагер ұстаз Құндақбаев Шегебай, ардагер ұстаз Бүркітбаева Назым, аудандық білім бөлімінің әдіскері Тоқшылықова Ақтолқын Каналбекқызы және Алматы қаласынан арнайы келген Ахметжан Жанпейісовтың ұлы Дінмұхаммед Ахметжанұлы мен немересі Мәулен Аңсар Халмұратұлы арнайы қатысты.

Кездесуді №105 мектеп – лицей директоры Еркебаева Гүлзира Мұратбекқызы ашып, жүргізіп отырды.

Кездесу барысында «Жас Ұлан» балалар мен жасөспірімдер ұйымының мүшелері әдеби монтаж оқып, Ахметжан Жанпейісовтың өмір жолы туралы бейнеролик-слайд көрсетілді.

Сонымен бірге кездесуде сөз алған Ахметжан Жанпейісовтың ұлы Дінмұхаммед Ахметжанұлы мен немересі Мәулен Аңсар Халмұратұлы пікірлерін білдіріп, білім беру ұйымына заманауи үлгідегі интерактивті тақтаны арнайы табыстады. Сондай-ақ Ахметжан Жанпейісовтың көзін көрген кісілер Қармақшы ауданының құрметті азаматы» ардагер ұстаз Құндақбаев Шегебай мен ардагер ұстаз Бүркітбаева Назым естеліктерін айтып өтті. Аудандық білім бөлімінің әдіскері А. Тоқшылықова сөз сөйлеп, оқушыларға сапалы білім алуға және ұлттық құндылықтарымызды қастерлеуге бағытталған құнды пікірлерімен бөлісті.

Кездесу соңында 10 сынып оқушысы Төлен Ақтілік ізгі лебізін білдіріп, арнайы келіп қатысқан қонақтарға ризашылығын жеткізді.