Құқық бұзушылық және жасөспірім

Жосалы кенті орталығындағы №105 мектеп-лицейінде 8-11 сынып оқушылары арасында мобильді топ мүшелерімен құқық бұзушылықтың және қылмыстық іс-әрекеттердің алдын алу мақсатында кездесу өткізілді. Кездесуге аудандық білім бөлімінің әдіскері  Ақтолқын Тоқшылықова, Қармақшы аудандық полиция бөлімі, Жергілікті полиция қызметі Ювиналды полиция тобының қызметінің инспекторы, полиция капитаны Рақымжан Абдрахманов, Төтенше жағдайлар бөлімінің қызметкері Дастан Тілектесов арнайы қатысты.
Кездесу барысында кәмелетке толмағандардың қатысуымен орын алатын құқық бұзушылықтар мен олардың зардаптары, кәмелетке толмағандардың жыныстық тиіспеушілігіне қатысты орын алған қылмыстар және одан сақтандыру жолдары айтылып, әкімшілік құқық бұзушылықтың баптары таныстырылды.
Сонымен бірге оқушылар арасында құқық бұзушылыққа жол бермеу мақсатында арнайы дайындалған бейнероликтер көрсетілді.