Мектептер арасындағы сайыс
Аудандық білім бөлімінің 2018-2019 оқу жылында қысқы каникул кезінде атқарылатын жұмыстардың іс-шарасына сәйкес 2019 жылдың 8 қаңтар күні аудан орталығындағы Ү.К.Томанов атындағы №183 орта мектебінде полицияның жас көмекшілері арасында (ПЖК) «Құқық бұзушылық және жасөспірім» тақырыбында кент мектептері арасында сайыс өткізілді. Іс-шараға «Қармақшы аудандық жастар ресурстық орталығы» коммуналдық мемлекеттік мекемесінің директоры Ә.Ыбрахим, аудандық полиция бөлімінің жергілікті полиция қызметі бөлімшесінің ювеналды полиция тобының учаскелік полиция инспекторы полиция капитаны А.Сәулеев, аудандық полиция бөлімінің жергілікті полиция қызметі бөлімшесінің ювеналды полиция тобының учаскелік полиция инспекторы полиция лейтенанты Қ.Буранов, аудандық полиция бөлімінің жергілікті полиция қызметі бөлімшесінің ювеналды полиция тобының учаскелік полиция инспекторы қатардағы полицей Е.Жақсылықов, білім бөлімінің әдіскері А.Тоқшылықова қатысты.
Құқық бұзушылықтың алдын алу, жасөспірімдердің бос уақытын тиімді пайдалану мақсатындағы іс шара мазмұнды өтті.
