Қармақшы аудандық білім бөлімінде 2018 жылдың 6-28 қыркүйек аралығында ҚР Білім және ғылым министрлігінің, ҚР Бас прокуратурасы Құқықтық статистика және арнайы есепке алу жөніндегі Комитетінің хаттарына, Қызылорда облыстық прокуратурасының хаттамалық тапсырмасына және облыс әкімдігінің іс-шаралар жоспарына сәйкес прокуратура, ішкі істер органдарының өкілдері мен мүдделі мемлекеттік органдардың қатысуымен білім беру ұйымдарында (мектептердің 10-11 сынып оқушылары) Құқықтық статистика және арнайы есепке алу Комитетінің ақпараттық жүйелері арқылы құқық бұзушылықтың алдын алу бағытындағы геокартамен таныстыру жұмыстары жүргізілуде. 26 қыркүйек 2018 жылы №250 мектеп-лицейде мобильді топ келіп, геокартамен таныстыру жұмыстары жүргізілді.

Облыстық білім басқармасының бас маманы Шолпан Байғазиева Рустемовна, аудан прокурорының орынбасары Ахметов Сырым Табынбайұлы, Қармақшы АІІБ жергілікті полиция қызметінің ювеналды

полиция тобының аға инспекторы, полиция лейтенанты

Қаналиев Жолболсын Даулетбайұлы, аудандық жастар ресурсы орталығының директоры Әділ Ыбрахим Мұратұлы, "Қармақшы ата" мешітінің бас имамы Асхат Жарқынбеков, білім бөлімінің әдіскері А.Тоқшылықова қатысты. Құқық бұзушылық пен қылмыстық іс-әрекеттердің алдын алу мақсатындағы кездесу мағыналы өтті.