Балалар мен жасөспірімдер қатысуымен жол-көлік оқиғаларын ескерту бойынша жұмыстарды жетілдіру және балалар арасындағы жол-көлік оқиғаларынан жарақаттануының алдын алу мәселелеріне мүдделі ведомстволардың, ұйымдардың және жұртшылықтың назарын аудару мақсатында №250 мектеп-лицей базасында Қазақстан Республикасы Ішкі істер министрлігі Әкімшілік полиция комитетінің 2018 жылғы 18 ақпандағы №5-5-6-151/269-И санды нұсқауына сәйкес, Қызылорда облысында Ғазиз Байтасов атындағы қозғалыстың жас инспекторларының 18-ші республикалық слетінің өткізілуіне байланысты, аудандық білім бөлімі, аудандық ішкі істер бөлімі, АІІб Жергілікті полиция қызметі және аудандық «Отан» қоғамдық бірлестігінің бірігіп ұйымдастыруымен жасөспірімдер арасындағы жол көлік травматизмінің алдын алу бағытында «Қозғалыстың жас инспекторлары» атты аудандық байқауы ұйымдастырылды. Байқауға облыстық білім басқармасының маманы А.Молдабай, Қызылорда облыстық ІІД-нің ЖПҚ-ның жұмысты ұйымдастыру және бақылау бөлімінің инспекторы Р.Жақсылықов, "Отан" республикалық қоғамдық бірлестігінің Қармақшы аудандық өкілдігінің төрайымы Б.Жүсіпова қатысты. Байқау қорытындысымен І орынмен №279 "Бағдаршам" командасы,, ІІ орынмен - №80 "Қыран" командасы, ІІІ орынмен - №30 "Жас өрен" командасы марапатталды.