Қармақшы ауданының төтенше жағдайлар бөлімі, «Нұр Отан» партиясы Қармақшы аудандық филиалымен бірлесіп «Нұр Отан» партиясының Саяси кеңесі Бюросының 2014 жылғы 23 желтоқсандағы №102 қаулысымен бекітілген «Нұр Отан» партиясының 2015-2025 жылдарға арналған сыбайлас жемқорлыққа қарсы іс- қимыл бағдарламасын іске асыру жөніндегі жол картасының 39- тармағына сәйкес құқық қорғау органдарын азаматтық қоғам өкілдерінің қатысуымен аудандық партия филиалында дөңгелек үстел отырысы болып өтті. Дөңгелек үстел отырысында Қармақшы ауданының төтенше жағдайлар бөлімі бастығының уақытша міндетін атқарушы азаматтық қорғау капитаны
Е.Назарқұлов сыбайлас жемқорлықтын алдын-алу мақсатында бірқатар жұмыстар атқарылып, күнделікті бөлім қызметкерлеріне ҚР «Сыбайлас жемқорлыққа қарсы іс- қимылы» туралы Заң талаптары бойынша, айына бір реттен кем емес және ҚР «Мемлекеттік қызметкерлердің әдеп» кодексінің талаптары бойынша сабақтар өткізіліп, түсіндірме жұмыстары жүргізіліп отыратына тоқталды. Шараға «Нұр Отан» партиясы Қармақшы аудандық филиалы төрағасының бірінші орынбасары, аудандық мәслихат депутаты Д. Буханов Қармақшы аудандық ішкі істер бөлімі бастығының кадр жөніндегі орынбасары полиция майоры Қ. Ермановтар сыбайлас жемқорлыққа байланысты құқық бұзушылықтын алдын-алу, болдырмау шараларын жүргізуді басымды бағыттары жайында сөз қозғап, сыбайлас жемқорлықты болдырмау және алдын алу шаралары туралы ойларын ортаға салды.