Менің елімнің тарихы

qarmaqshy-tany.kz Жосалы кенті орталығындағы Т.Көмекбаев атындағы №250 мектеп-лицейінің интернатының оқушыларымен 25 қазан-Республика күні мерекесіне орай «Музей сабақтары» жобасы аясында Қармақшы аудандық тарихи-өлкетану музейінде танымдық сабақ өткізілді.

«Менің елімнің тарихы» тақырыбында өткізілген экскурсиялық танымдық сабақ аясында оқушылар ауданымыздың тарихи бай мұрасымен танысты.

Экскурсияның мақсаты-балаларға өлке тарихынан тың мағлұматтар беріп, өңіріміздің әлеуметтік-экономикалық дамуына үлес қосқан тарихи тұлғаларымызды насихаттау.

Осы ретте музей қызметкерлері өңіріміздің дамуындағы тарихи тұлғалардың ерен ерліктері жайлы айтып өтіп, экспонат түрлерімен таныстырып өтті.

Сонымен бірге Т. Көмекбаев атындағы №250 мектеп-лицей директорының тәрбие ісі жөніндегі орынбасары С. Бертлеуов пен тәрбиешілер және интернат оқушылары арнайы дайындалған кітап көрмесімен таныстырылды.

Сондай-ақ танымдық сабақ барысында оқушылар Тәуелсіздік алғаннан кейінгі жылдардағы аудан тарихының жетістіктерін тамашалады. Өз кезегінде оқушылар өздерінің таңданыстарын білдіріп, музей қызметкерлеріне алғыстарын жеткізді.