"Әз Наурыз" тақырыбында көрме өткізілді

22 наурыз - Ұлыстың ұлы күні Наурыз мерекесіне орай Қармақшы аудандық тарихи-өлкетану музейінде "Әз Наурыз" атты музей қорындағы этнографиялық экспонаттардан көрме өткізілді. Көрмеге кент көлеміндегі мектеп оқушылары шақырылды.
Этнографиялық коллекция қазақ халқының тұрмысы мен мәдениетін кешенді көрсетуге мүмкіндік береді және олардың көпшілігі сирек кездесетін тарихи-мәдени құндылық болып есептеледі. Сондықтан оқушыларды музей қорында сақталған көне тарихи бұйымдармен таныстыру, музейдің ең алғашқы этнографиялық түсімдері ретінде қалыптасқан экспонаттарды насихаттау сонымен қатар қазақтың Ұлы күні Наурыз мейрамы оның қазақ даласындағы орны жайлы түсінік беру көрменің негізгі мақсаты болып табылады.