САНАЛЫ ҰРПАҚ ЖОБАСЫ
Е.Көшербаев атындағы №279 мектеп-лицейі базасында Қазақстан Республикасы Бас прокуратурасының «Саналы ұрпақ» жобасы аясында аудандық білім беру ұйымдарының оқушылары арасында дебат турнирі өткізілді.
Турнирдің мақсаты – «Заң және тәртіп» қағидатын насихаттау, жасөспірімдер арасындағы құқық бұзушылықтың, құмар ойындарға тәуелділіктің алдын алу, сондай-ақ оқушылардың құқықтық сауаттылығын арттыру болды.
Іс-шараға Байқоңыр қаласы прокуратурасының прокуроры М.Серік, аудандық білім бөлімінің әдіскері Ақтолқын Тоқшылықова және аудандық ата-аналар комитетінің төрағасы М.Әлиев қатысып, дебатшылардың ойындарын тамашалады.
Турнир барысында қатысушылар заңға бағыну мәдениеті, құқықтық жауапкершілік, құмар ойындардың зияны және жастар тәрбиесіне қатысты өзекті мәселелерді талқылап, тың ойлары мен дәлелді пікірлерін ортаға салды.
Іс-шара соңында қатысушылардың белсенділігі жоғары бағаланып, командаларға алғыс хаттар табысталды.
