Оқушылармен кездесу өтті
№105 мектеп-лицейінде оқушылар мен жасөспірімдер арасында құқық бұзушылықтың алдын алу мақсатында 9-11 сынып оқушыларымен кездесу өтті.Кездесуге аудандық білім бөлімінің әдіскері А.Тоқшылықова, Қармақшы аудандық прокуратурасының прокуроры Е.Есетов, аудандық полиция бөлімінің зорлық-зомбылыққа қарсы ювеналды полиция тобының инспекторы полиция капитаны А.Касимова, аудандық полиция бөлімінің инспекторы Н.Баймұрзаев, аудандық емхана медбикесі Н.Үсенова қатысты.
Жиналыста сөз алған прокуратурасының прокуроры Е.Есетов оқушылар арасындағы кәмелетке толмаған балалардың бір-біріне зорлық, күш көрсетуіне қатысты қылмыстық жауаптылығын айтып өтті.
Оқушыларды қоғамдық мінез-құлық ережелерін, құқықтық білімді, өз құқықтары мен міндеттерін білуді, заңға құрмет көрсетуге үйренуді негіздеп айтып өтті. Аудандық білім бөлімінің әдіскері А.Тоқшылықова әрбір оқушының ата-анасын ардақ тұтып, үлкенді құрметтеуге, заңды сақтауға шақырды. Жиналыс соңында полиция органдарының, денсаулық сақтау ұйымдарының жадынамалары таратылып, оқушылармен кері байланыс орнатылды.
