Көкжөтелдің алдын алу

Көкжөтел – тыныс алу жолдарын зақымдайтын жұқпалы ауру. Бұл ауру әсіресе жас балалар арасында жиі кездеседі және ауа-тамшы жолы арқылы тез таралады. Көкжөтел кезінде адам қатты әрі ұзақ жөтеліп, тыныс алуы қиындауы мүмкін.

Аурудың алдын алудың ең тиімді жолы – вакцинация. Балаларға екпені ұлттық егу күнтізбесіне сәйкес уақытылы алу маңызды. Сонымен қатар, иммунитетті күшейтіп, салауатты өмір салтын ұстану қажет.

Көкжөтелдің алдын алу үшін:

жеке бас гигиенасын сақтау;

қолды сабынмен жиі жуу;

бөлмелерді тұрақты желдету;

адам көп жиналатын орындарда сақтық шараларын сақтау;

науқас адамдармен жақын қарым-қатынастан аулақ болу керек.

Ауру белгілері байқалған жағдайда өздігінен ем қабылдамай, дереу дәрігерге қаралған жөн.

Аурудың алдын алу – денсаулықты сақтаудың ең тиімді жолы!