Білім саласындағы сыбайлас жемқорлық тәуекелдерінің алдын алу шаралары қаралды
Білім бөлімінің басшысы Берік Съездұлының төрағалығымен мәжіліс өтті. Мәжіліске білім бөлімінің қызметкерлері, мектеп директорлары қатысты.
Мәжілістің күн тәртібінде Қармақшы ауданы бойынша білім бөлімінің 2025 жылы 22 желтоқсандағы №284 бұйрығына сәйкес №№ 80, 85, 99, 269, 279 мектептердің бюджет қаражатының мақсатты жұмсалуына, тарификация бойынша қызметкерлерге жалақының заңға сәйкес төленуі, педагогтар мен техникалық қызметкерлерді жұмысқа қабылдаудың Заңдылықтарының сақталуына, аттестациядан өткен педагогтардың құжаттарына, мемлекеттік көрсетілетін қызметтердің Заңдылыққа сай жүзеге асырылуына, жеке және заңды тұлғалардың өтініштерінің орындалуына мониторинг жұмыстары жүргізіліп, қаралды.
Білім бөлімінің бас мамандары Т.Әбенова, Г.Исламханова, Н.Асанова әдістемелік кабинет меңгерушісі Ш.Наукебаева, бас есепші Р.Алдамұратова, бас экономист Б.Әбілдаева мониторинг қорытындысына талдау жасап, хабарлама жасады.
Жиын соңында білім бөлімі басшысы күн тәртібінде қаралған мәселелер бойынша нақты тапсырмалар беріп, білім беру ұйымдары басшыларына сыбайлас жемқорлықтың алдын алу бағытындағы жұмыстарды жүйелі түрде жүргізуді тапсырды.
