БІЛІМ САПАСЫН АРТЫРУ БАРЫСЫНДА ӘДІСТЕМЕЛІК КЕҢЕС ӨТКІЗІЛДІ
Білім беру сапасын арттыру және педагогтердің кәсіби құзыреттілігін дамыту мақсатында білім бөлімінің әдістемелік кабинетінің ұйымдастыруымен әдістемелік кеңес өткізілді. Әдістемелік кеңеске әдістемелік кабинеттің әдіскерлері,мектеп директорларының оқу ісі жөніндегі орынбасарлары, аудандық пән бірлестік жетекшілерінің қатысуымен әдістемелік кеңес өтті.
Күн тәртібіндегі мәселелерді әдістемелік кабинет меңгерушісі Наукебаева Шырын Мирамбекқызы таныстырып, әрбір мәселеге жеке тоқтап, мониторинг жасап, талдау жүргізді. Әдістемелік кеңес барысында барлық білім беру ұйымдарындағы мектепішілік бақылау жоспарларына аналитикалық анықтама жасап, талдау жұмыстарын жүргізді.
Педагогтердің сапалық құрамына тоқтап, біліктілік санаттарына талдау жүргізілді. Барлық пәндер бойынша мониторинг алынып, оқушылардың білім сапасы, олимпиада, ғылыми жоба нәтижелері талқыланды.
Педагогтерді аттестаттау бойынша түсіндірме жұмыстары жүргізіліп, қатысушылар сұрақтарына тиісті жауаптарын алды.
Соңғы мәселе бойынша педагогтердің біліктілігін арттыру курстарына қатысуы және ЖИ (жасанды интеллект) курстарына қатысуы жайлы тоқтады. Әдістемелік кеңес соңында қатысушылар пікірлерін, ұсыныстарын айтты.
