Пән бірлестік жетекшілерінің секциялық отырысы өткізілді
Қармақшы ауданы бойынша білім бөлімінің (әдістемелік кабинет) ұйымдастыруымен Тәйімбет Көмекбаев атындағы №250 мектеп-лицейі базасында «БІЛІМ КЕЛЕШЕГІ: АДАЛ АЗАМАТ, КӘСІБИ МАМАН» тақырыбында аудандық пән бірлестік жетекшілерінің секциялық отырысы өтті.
Секция жұмысының негізгі мақсаты – цифрландыру мен жасанды интеллект технологияларын енгізу жағдайында білім беру жүйесін дамытудың бірыңғай ұстанымдарын қалыптастыру.
Пәндік секциялық отырыстар аясында білім бөлімінің әдістемелік кабинетінің меңгерушісі Ш.Наукебаева және білім бөлімінің әдіскерлері ҚР Оқу-ағарту министрлігінің Ы. Алтынсарин атындағы Ұлттық білім академиясының «2025–2026 оқу жылында Қазақстан Республикасы жалпы орта білім беретін ұйымдарында оқу үдерісінің ерекшеліктері туралы» әдістемелік нұсқау хатпен таныстырып, биылғы оқу жылының ерекшеліктерін атап өтіп, талдау жұмыстарын жүргізді.
Айта кетейік, секциялық отырыстарға 500-ге жуық ұстаздар яғни пән бірлестік жетекшілері мен мектеп басшылары, орынбасарлары және ата-аналар қатысты.
