qarmaqshy-tany.kz 2023 жылдың 22 тамыз күні Қармақшы аудандық білім бөлімі бойынша білім қызметкерлерінің аудандық «Әділетті Қазақстан: сапалы білім, адал ұрпақ, табысты ұлт» атты тамыз кеңесінің пәндік секция отырыстары № 121 орта мектеп базасында өткізілді. "Жалпы орта білім беру: функционалдық сауаттылық және озық педагогикалық тәжірибе" тақырыбындағы аудандық пән бірлестік жетекшілерінің секция отырысына ауданымыздың бас ұстазы Абдазиева Гүлзира Мажитқызы барша әріптестерімізді жаңа 2023-2024 оқу жылымен құттықтай отырып, 2022-2023 оқу жылының қорытындысы аясында атқарылған игі жұмыстар жайында баяндап, жыл көлемінде білім саласы бойынша жетістікке жеткен әріптестерімізді құттықтады.

Барлық мектептер аясында жаратылыстану-гуманитарлық бағыттарға бөліне отырып 24-пән бойынша отырыстар ұйымдастырылды. Секция отырыстарында педагог-тәжірибешілер, сарапшылар, білім саласының мамандары өз тәжірибелерімен бөлісе отырып тақырыптық "Lesson study" бойынша коучингтер, шеберлік сабақтар, түрлі әдіс-тәсілдер бойынша тәжірибе алмаса отырып, бағыттар бойынша секциялық отырыстар өткізілді.