Aудандық білім бөлімінің басшысы Г.Абдазиеваның басқаруымен 2022-2023 оқу жылының қорытындысы негізінде кезекті кеңейтілген алқа отырысы өтті.

Алқа отырысына аудандық білім бөлімінің қызметкерлері мен білім беру ұйымдарының басшылары қатысты.
Күн тәртібінде 2022-2023 оқу жылы бойынша атқарылған жұмыс қорытындылары, 2023-2024 оқу жылының басымдылығы мен жылға қойылған міндеттері талқыланды.

Жиын барысында білім бөлімінің басшысы аудан бойынша білім беру саласында жеткен жетістіктер мен барлық деңгейде болған сапалы өзгерістерге арнайы тоқталып, әрбір мәселенің маңыздылығына мән бере отырып, жан-жақты талдау жасады.
Сондай-ақ, ағымдағы мәселелер бойынша білім беру ұйымдарының басшыларына нақты атқарылуға тиісті тапсырмалар мен келесі оқу жылына дайындық барысындағы басты назарға алуға бағытталған жоспарлы шешімдерін жеткізді.