qarmaqshy-tany.kz Қармақшы ауданы бойынша білім бөлімінің ұйымдастыруымен 2022 жылы 01 желтоқсан күні №183 орта мектеп базасында кезекті алқа отырысы өтті.

Отырыс барысында «Оқуға құштар мектеп» жобасының жүргізілу барысы. 2021-2022 оқу жылындағы жалпы білім беретін пәндер бойынша республикалық олимпиаданың қорытындысы және алдағы пәндік олимпиадаға дайындық туралы, педагогтарды жұмысқа қабылдау туралы күн тәртібіндегі жұмыстар айтылды.

Ағымдағы мәселелер бойынша Қазақстандық оқушылардың «Мектептерге арналған PIZA» Халықаралық зерттеуіне аудандағы №80, №105, №113, №186 орта мектептерінің қатысуы туралы, білім беру саласын дамыту бағытындағы пилоттық жобалар жөнінде білім беру ұйымдары мен бөлімдер қызметінің тиімділігін бағалау бойынша сұрақтар қаралды.

Сонымен қатар, білім бөлімінің басшысы Абдазиева Гульзира Мажитовна мектеп кабинеттерін аралап, оқушыларымен кездесті. Оқу барысын көріп, сауалдарын тыңдады.