Аудандық білім бөлімінің басшысы Г.Абдазиеваның басқаруымен білім саласының өзекті мәселелері бойынша кезекті кеңейтілген алқа отырысы өтті.

Кеңейтілген отырысқа аудандық білім бөлімінің қызметкерлері, білім беру ұйымдарының басшылары қатысты.

Күн тәртібінде білім беру ұйымдарындағы «Мектеп театры», «Дебат» жобасы жұмыстарының жүргізілу барысы, 2022 -2023 оқу жылындағы пәндік олимпиада қорытындысы, ҰБТ-ге дайындық жұмыстарының барысы жайлы мәселелер қаралса, қосымша хабарламалар негізінде мемлекеттік сатып алу жұмыстарының жүргізілуі , қаржының игерілуі және сондай-ақ әлеуметтік желінің жүргізілу барысы тыңдалды.

Білім бөлімі басшысы Г.Абдазиева күн тәртібіндегі көтерілген мәселелерге арнайы тоқталып, жүргізілген жұмыстарға өзіндік талдау жасап, жан-жақты талқылады. Мәжілісте ұсыныс ретінде айтылған мәселелерге шешім шығарып, білім беру ұйымдарының басшыларына басты назарға алуға тиісті тапсырмаларын жүктеді.

Сондай-ақ, Г.Абдазиева мәжіліс соңында 1-наурыз» Алғыс айту» мерекесі бойынша сала қызметкерлеріне ақжарқын тілегін арнап, өзіндік алғысын жеткізді.