Кеңейтілген алқа отырысы өткізілді

qarmaqshy-tany.kz Аудандық білім бөлімінің басшысы Г.Абдазиеваның басқаруымен білім саласының өзекті мәселелері бойынша кезекті кеңейтілген алқа отырысы өтті.

Кеңейтілген отырысқа аудандық білім бөлімінің қызметкерлері, аудан орталығы, Жосалы кенті мен Төретам кенті және Байқоңыр қаласындағы білім беру ұйымдарының басшылары, сондай-ақ зум платформасы арқылы елді мекендердегі мектеп басшылары жиынға қатысты.

Күн тәртібінде құқық бұзушылықтың алдын алуға байланысты жүргізілген жұмыстар барысы, балалардың құқықтарын қамтамасыз ету бойынша атқарылып жатқан жұмыстар, білім беру ұйымдарының білім алушылары арасындағы аутодеструктивті мінез-құлықтың алдын-алу бағдарламасы және білім беру ұйымдарындағы ыстық тамақтың ұйымдастырылуы, мектепке дейінгі білім беру ұйымдарын зерделеу,

сондай-ақ сыбайлас жемқорлықтың алдын алу бағытында жүргізілген жұмыстар жайы тыңдалып, жан-жақты талқыланды.

Білім бөлімі басшысы Г.Абдазиева ұсыныстар негізінде көтерілген мәселелерге шешім шығарып, білім беру ұйымдарының басшыларына басты назарға алуға тиісті тапсырмаларын жүктеді.