“Әділетті Қазақстан: сапалы білім, адал ұрпақ, табысты ұлт” аудандық тамыз педагогикалық кеңесі

qarmaqshy-tany.kz Биыл алғаш рет ауыл мектептері бойынша Жаңажол ауылдық округіндегі №107 орта мектебінде "Жалпы орта білім беру: функционалдық сауаттылық және озық педагогикалық тәжірибе" тақырыбында дәстүрлі тамыз конференциясының секциялық отырыстары өткізілді.
Тамыз конференциясының негізгі мақсаты - білім беру саласындағы басқару мәселелерін жан-жақты талқылауға, жаңа бастамаларды ұсынуға және білім беруді жаңартуда әдістемелік ұсыныстар әзірлеуге жағдай жасау.
Секция отырыстарына: Мектеп директорлары; Оқу ісі жөніндегі орынбасарлары; Тәрбие ісі жөніндегі орынбасарлар; Бағдарлы орынбасарлары;
Ғылыми-әдістемелік орынбасарлары қатысып, өзара тәжірибе алмасты. Секция отырысының бағдарламасына сәйкес, Қармақшы аудандық білім бөлімінің басшысы Гүлзира Мәжитқызы секция қатысушыларын жаңа оқу жылының басталуымен құттықтап, аудан көлемінде атқарылып жатқан жұмыстарға тоқталып өтті.
Педагогтардың бас қосуында балаларды тәрбиелеу және оқыту мәселелері талқыланып, ҚР Оқу-ағарту министрлігі Ы.Алтынсарин атындағы Ұлттық білім академиясының 2023-2024 оқу жылына арналған әдістемелік нұсқау хатындағы оқу-тәрбие процесінің ерекшеліктері таныстырылды және жаңа оқу жылындағы білім беру жүйесінің жоспарлары мен келешегін талқылау бойынша диалогтық алаң ұйымдастырылды.
Секция соңында талқылау жұмыстары жүргізіліп, қатысушылар тарапынан ұсыныс-пікірлері тыңдалды.